Fjordblues

Gå til innhold

Hovedmeny:

Hovudsponsorar
Fjordblues 2017
Peter Holvik Lothe

1962 - 2018
Fjordblues 2018

Blir arrangert 18.-20.oktober 2018


  
    




Sponsorar:



























Sandane
948 55 555
 Taxi



Fjæra Bluesklubb er støtta av:







  
 
Det er med stor sorg vi må akseptere at vår gode ven, styremedlem og tidlegare leiar i Fjæra Bluesklubb - Peter Holvik Lothe har gått bort berre 55 år gamal.
Han sovna stille inn medan han sov i heimen sin laurdag 14. april.
Peter var ein snill og mild person med stor omsorg for alle rundt seg. Han var ein engasjert person på mange område, og hadde utruleg mykje kunnskap om mykje.
Han har vore ein sentral person i mange organisasjonar i Gloppen, og engasjerte seg og i politikk som medlem i Arbeiderpartiet. Men den største interessa hans var musikk, og han hadde ei imponerande samling av LP-plater.
Peter har vore styremedlem i Fjæra Bluesklubb i over 20 år. Han har hatt fleire verv, mellom anna mange år som leiar av klubben. På FjordBlues 2017 vart han utnemnd som Æresmedlem, og på 25 års jubileet for nøyaktig to år sidan var det nettopp han som presenterte klubben si historie. Mellom alle sine arbeidsoppgåver såg han det viktige i å ta vare på historia i form av bilete, dokument, plakatar og andre ting. Og når vi trong å vite noko som vi andre ikkje klarte å huske, var det Peter vi kontakta.
Fjæra Bluesklubb vil takke for det store arbeidet og engasjementet han har lagt ned for klubben gjennom alle år. Men først og fremst er vi takksame for alle dei kjekke og gode stundene vi fekk saman med vår gode ven. Vi skulle ynskje - og hadde rekna med at vi skulle fått mange fleire gode opplevingar saman med Peter, og saknet etter han er stort.
Vår djupaste medkjensle går til Peter sin bror Jakob og dei næraste.

Fjordblues 2017 
Fulle hus og publikumsrekord !

FjordBlues 2017 er over og Fjæra Bluesklubb har gjennomført sin 20 ande festival på like mange år.
Vi blir heilt overvelda over alle positive tilbakemeldingar vi har fått på og etter festivalen. Og sjølv om vi blir veldig brydde og flaue av å få så mykje skryt, og kanskje kjem med noke bekjedent vrøvl til svar, skal de vete at vi tek det til oss. Det er utruleg motiverande når folk set pris på alt det arbeidet som vi legg ned for å gjere FjordBlues og andre arrangement best muleg.

20 års Jubileet vart ein gedigen suksess ! Vi hadde nesten fulle hus på alle 20 enkeltkonsertane på desse tre dagane. BarneBluesen på torsdag med bandet «Du og Eg og Vi 2 – 3 – 4» hadde så mykje påmelding at vi måtte sette opp to forestillingar i Kultursalen. Det totale publikumstalet på alle arrangementa under festivalen var godt over 1800 !
Dette knusar alle tidlegare publikumstal, men så hadde vi også mange fleire arrangement under FjordBlues 2017 enn tidlegare.
Det er heilt utruleg moro å være arrangørar med so fulle hus, og når publikum smiler og kosar seg.

Musikalsk vart det mange høgdepunkt. Å høyre Dana Fuchs igjen var eit av dei store, og når ho «tok heilt av» til slutt på fredags kvelden var det heilt fantastisk. Moro var det og at Aaron Keylock plutseleg gjekk på scena og spelte saman med dei.
Firdabandet Immature Avocados viste stort talent, og bør melde seg på BluesCupen til neste år !
Kanskje dei kan følge i SILO sine fotspor etterkvart. SILO var igjen ein stor opplevelse å høyre, dei blir berre beire og beire.
Av «nye» band som vår kjære bookingsjef har funne tak i til årets festival var det vel Cordovas som imponerte flest av publikum, og igjen er Leif Egil på hugget og får dei hit først.
Så var det utruleg kjekt å endeleg kunne få Daniel Eriksen til FjordBlues og Sandane. Han var like engasjert på alle fire konsertane, og viste at han fortjener å bli kalt ein av dei store innan norsk blues. Takk for ein kjempejobb Daniel.
Hannah Aldridge er eit anna høgdepunkt eg vil trekke fram. Ho er ein utruleg artist med mange fine låtar. Og når ho spela ein av dei låtane eg likar best måtte eg berre springe ut frå intervju med lokalavisa Firda Tidend for å høyre på.
Rick Estrin & The Nightcats med gitaristen Kid Andersen avslutta festivalen laurdag på hovudscena medan Dave Fields avslutta nede i kjellaren. Begge stader blei det ein forrykande finale, og eg trur det var fleire enn meg som sprang opp og ned for å prøve å få med seg begge deler.
Tusen takk til alle artistar for kjempeflotte konsertar.

Eg vil og takke alle som har vore med å jobba for å få i stand og gjennomføre FjordBlues 2017. Både dei i klubben, vakter, teknikarar, ansatte og vertskap på Gloppen Hotell, Trivselshagen, Lauget og nye Fjæra Mat. Og spesielt vil eg i år takke Atle Nygård i Firda Tidend som har gjort ein stor jobb for oss i alle desse 20 åra. Med utforming av flotte Plakatar, annonser, programhefte og anna matriell.

Så vil eg takke alle sponsorar, støtteordningar og støttespelarar. Utan dokke kunne vi ikkje ha klart å skape ein slik kvalitetsfestival og likevel operere med forholdsvis rimelege billettprisar. I tillegg klarar vi å arrangere ei rekke gratiskonsertar for barn og unge. Noko vi synes er viktig og kjempemoro å få til.

Men Viktigast av alt - Eg vil takke alle dei som kom på FjordBlues 2017. Frå fjern og nær. Alle voksne og alle ungdomar og alle born som besøkte arrangementa våre. Tusen Takk.

Hans Andenæs
Festivalsjef
Bilder ovanfor av Roald Jungård (Blues News)

Linkar til omtale av Fjordblues 2017:



 
Bli Medlem !
Som medlem mottek du 5 nummer av Blues News årleg. Du får også medlemsrabatt på alle klubben sine arrangement og medlemsrabatt på alle arrangement i regi av klubbar tilslutta Norsk Bluesunion.
Kr. 350,- betalast inn til konto: 3705.22.50049

 
 
 
 
 
 
 
 
 
 
 
 
 
 
Tilbake til innholdet | Tilbake til hovedmenyen